नेपाली युवा दिवेशलाई ‘अमेरिकन आइडल’ मा मिल्यो यति ठुलो सफलता

काठमाडौं । अमेरिकाको चर्चित रियालिटी शो ‘अमेरिकन आइडल’ को १८ औं संस्करणमा सहभागी नेपाली युवा दिवेश पोखरेल उत्कृष्ट १० मा पुग्न सफल हुनु भएको छ । काठमाडौंमा जन्मेका २१ वर्षीय दिवेश कार्यक्रममा ‘आर्थर गन’ को नामबाट प्रतिष्पर्धा गरिरहनु भएको छ । पोखरेलले आफ्नो सामाजिक सञ्जाल फेसबुक, इस्टाग्राम र ट्वीटरबाट आफू उत्कृष्ट १० मा पुगेको जानकारी दिनु भएको हो ।

उहाँले यी माध्यमबाट आफूलाई भोट गर्ने सबैलाई साथ र समर्थनका लागि धन्यवाद पनि दिनु भएको छ । उहाँले लेख्नु भएको छ, ‘हामी शीर्ष १० मा पुग्यौ । सुरूदेखि नै समर्थन गरिदिनु भएकोमा सबैलाई धन्यवाद । म विश्वभरिबाट आएको यो विशाल समर्थनलाई कदर गर्दछु। यसलाई व्यक्त गर्न शब्दहरुले न्याय गर्दैनन् । धन्यवाद !’ आफू आउँदो दिनका लागि उत्साहित भएको पनि उहाँले जानकारी दिनु भएको छ ।

Leave a Reply

Your email address will not be published. Required fields are marked *